Според информациите кои ги објави компанијата „iMarketing“ најголемата социјална мрежа во светот „Facebook“ оваа година од рекламите кои ги објавуваат на својата мрежа ќе заработат околку една милијарда долари.
Социјалната мрежа се очекува оваа година да заработи 965 милиони долари само од реклами за мобилни телефони и таблети и тоа само во САД. Овој приход е за два ипол пати повеќе од лани кога на своето конто инкасираа 391 милиони долари, кога „Facebook“ започна со маркетинг на мобилните уреди.
Прогнозата доаѓа непосредно пред „Facebook“ го презентира новиот паметен телефон кој ќе работи на оперативниот систем „Android“.
Моментално „Facebook“ се наоѓа на второ место по „Google“ во мобилноto рекламирање, но многу е веројатно дека за брзо време ќе го надмине интернет пребарувачот.
