Европските берзански индекси силно пораснаа во понеделникот благодарение на закрепнувањето на банкарските акции и скокот на акциите на францускиот телеком сектор поради очекувањето од нови договори на планот на спојување и аквизиции.
Паневропскиот индекс FTSEurofirst 300 скокна за 2,6 отсто, по три-отстотниот скок во петокот.
Лондонска FTSE околу пладне беше во плус од 1,89 отсто, на 5.815 поени, франкфуртски DAX 2,62 отсто, на 9.202 поени, а париски CAC на 4.119 поени, во плус за 3,11 отсто.
И покрај закрепнувањето, паневропскиот индекс останува во минус од околу 12 отсто во однос на почетокот на годината, притиснат од загриженоста околу забавувањето на глобалната економија, како и во врска со здравјето на европскиот банкарски сектор.
„Не е изненадување што сведочиме на закрепнување на берзите по претераните осцилации во последните недели. Европските акции беа особено погодени и очекуваме брзо закрепнување на акциите кои беа погодени во финансискиот сектор“, рече Рикардо Амбросети, директорот на оделот во италијанскиот Ambrosetti Asset Management.
Најголемиот добитник денеска беше банкарскиот сектор, со растот на цената на акциите во просек за 3,5 отсто, што се надоврза на закрепнувањето почнато во петокот. Поддршката на акциите пружија вестите дека Европската централна банка преговара со италијанската влада за откуп на пакети лоши кредити на италијанските банки, во рамки на својата нова програма за откуп на имот.
Акциите на холандската банка ING, на швајцарската Credite Suisse, на италијанската Intesa Sanpaolo и француската BNP Paribas зајакнаа над четири отсто.
Со добивката се издвојуваа и француската телеком групација Orange, чии акции скокнаа за три отсто по извештајот дека договорот за преземање на ривалот Bouygues би можел да биде претставен во вторникот. Акциите на Bouygues зајакнаа за 4,5 отсто.
Зајакнаа и акциите на британскиот телекомуникациски гигант во сегментот на широка потрошувачка Reckitt Benckiser Group, чии акции скокнаа за 5,5 отсто по извештајот за раст на приходите на дочекуваното.
Индексот на Токиската берза Nikkei скокна дури за 7,16 отсто, на 16.022 поени.
