Доколку идните мајки го редуцираат внесот на калории и белковини, ризикуваат нивниот наследник да биде помалку интелигентен.
Прекрасна вест за трудниците кои имаат зголемен апетит, а се воздржуваат во јадењето загрижени за вишокот килограми, пристигна од научниците.
Тим од истражувачи утврди дека диетата, особено во првата половина од бременоста, го забавува развојот на мозокот кај бебето. Значи, доколку идните мајки го редуцираат внесот на калории и белковини, ризикуваат нивниот наследник да биде помалку интелигентен.
„Диетата во бременоста може да влијае на развојот на мозокот на фетусот и да остави долгорочни последици на детето. Не само што тоа може да предизвика понизок коефициент на интелигенција, туку и проблеми во однесувањето, аутизам, дури и шизофренија“, тврди Томас Мекдоналд, авторот на истражувањето.
Во бременоста најмалку јадат мајките тинејџерки и жените кои во повозрасните години остануваат бремени.
