Општина Кисела Вода денеска започна со градежните активности за комплетна реконструкција на тротоарите на улицата Рилски конгрес, во населбата Црниче.
„Денес го промовираме проектот кој е во програмата на општина Кисела Вода и во буџетот усвоен за 2016, а тоа е реконструкција на тротоарите по улицата „Рилски конгрес“, во потег од улицата „Банско“ до улицата „Пржино“. Се работи за изведба на должина од 600 метри и од левата и од десната страна“, рече градоначалничката на Кисела Вода, Билјана Беличанец-Алексиќ.
Таа додаде дека работите ќе ги изведува фирмата „Урбан Десигн“, а за изведба на овие градежни активности, општина Кисела Вода од својот буџет вложи околу 3.240.000 денари.
„Се надевам дека фирмата изведувач ќе го запази временскиот рок, секако, доколку нѐ послужат и временските услови, за до 30-ти март тешката механизација да се повлече од оваа улица и истата да биде пуштена во употреба“, изјави градоначалникот Билјана Беличанец-Алексиќ.
