Индија во последниот квартал во минатата година оствари економски раст од 7,3 проценти, со што ја претекна Кина, која во истиот период забележа раст од 6,8 проценти.
Индиската Централна канцеларија за статистика соопшти дека од октомври до декември 2015 година е забележан благ пад на економскиот развој во однос на претходниот квартал, кога економијата порасна за 7,4 проценти.
Се проценува дека годишниот економски раст оваа година ќе изнесува 7,6 проценти, повеќе отколку минатогодишните 7,2 проценти.
Канцеларијата за статистика соопшти дека се очекува најголемиот раст да биде остварен во финансискиот сектор, туризмот и производството, додека слабите резултати ќе бидат остварени во земјоделството и секторот за одбрана.