Инсталирани две нови трафостаници во Општина Илинден

Две нови трафостаници со поголем капацитет беа инсталирани во населбата Илинден и населеното место Бујковци, информираат од општина Илинден.

Со изградбата на овие трафостаници кои располагаат со моќност од 400 kw, продолжува успешната соработка меѓу Општина Илинден и ЕВН, во рамките на која се реализирани повеќе проекти во насока на граѓаните на Општина Илинден да им се обезбедат подобри и поквалитетни услуги.

Во рамките на проект за изградба на нова и реконструкција на старата дистрибутивна мрежа во Општина Илинден, претстои реконструкција на 20 kV далекувод со кој ќе бидат опфатени населените места Мршевци, Бујковци, Текија и Дељадровци, како и реконструкција на енергетската мрежа во Марино.

„Со досега реализираните, како и со новите проекти значително се подобрува квалитетот на напојувањето, односно напонските прилики во индустриските зони, како и квалитетот на снабдувањето со електрична енергија на сите постоечки корисници во Општина Илинден“, информира локалната власт.