Новиот генерален директор на швајцарската банка „Credit Suisse“, Тиџен Тијам му предложи на Управниот одбор на банката значително да му биде намален бонусот, откако оваа банка минатата недела претстави разочарувачки деловни резултати и најави откази за 4.000 вработени.
Директорот на банката предложи неговиот бонус да биде најмногу намален меѓу челниците на банката, како што изјави, тој не може да бара жртва од другите, доколку сам не поднесе некаква жртва, пренесува американската агенција АП.
Тијам минатото лето стапи на позицијата директор на Credit Suisse, најавувајќи повеќегодишна програма за реформирање на работењето со цел намалување на трошоците.
