Цените на нафтата се спуштија на меѓународните пазари во петокот под нивото од 34 долари за барел, имајќи предвид дека обемната понуда и слабиот раст на глобалната економија во втор план ги ставија преговорите на водечките производители за намалувањето на производството.
На лондонскиот пазар цената на пазарот во попладневното тргување во петокот се лизна за 53 центи во однос на претходно затворање и изнесуваше 33,93 долари. На американскиот пазар, пак, беше намалена за 62 центи, паѓајќи на 31,10 долари за барел. Одвоено, Организацијата на земјите извознички на нафта (OPEC) објави дека цента на барелот од референтната кошница нејзина нафта во четвртокот изнесувала 29,90 долари, односно дека пораснала за 1,27 долари во однос на претходниот трговски ден.
Ве текот на оваа седмица цените ја влечеа поддршката од преговорите на водечките производител за управувањето со производството, имајќи го предвид прекумерното снабдување на светскиот пазар. Венецуела настојува да добие поддршка за координирање мерки за намалување на потрошувачката, па нејзиниот министер за нафта Еулогио Дел Пино во неделата во Ријад треба да се сретне со саудискиот колега Али ал-Наими, откако претходно седмицава се сретна со катарскиот и со оманскиот министер.
Одвоените податоци за производството на нафтата, пак, покажуваат само ограничено влијание на ниските цени, па на глобалното ниво производството досега е намалено за само 100.000 барели, однос за помалку од 0,1 отсто, според податоците на „Wood Mackenzi“. Воедно, мали се шансите дека темпото за намалувањето ќе забрза, како што очекуваат некои аналитичари, имајќи предвид дека многу производители и натаму настојуваат да издржат додека цените конечно не пораснат, предупредуваат од споменатата компанија.
„Вишокот и натаму ги притиска цените во договорите со покус рок на испораки, досега оние во договорите со подолги рокови на испораки, барем на лондонскиот пазар, ги притисна слабиот долар“, толкува Бјарни Шелдроп од SEB. Слабата американска валута, имено, ги поткрепува цените, бидејќи ја јакне моќта на оние кои имаат други валути, а со тоа и побарувачката.
Цените на нафтата се извонредно нестабилни од почетокот на годинава, а оваа седмица осцилациите се дополнително засилени поради слабеењето на американскиот долар. Во петокот преовладуваше загриженост поради обилното производство, искажано во повторениот силен скок на американските резерви и забавувањето на светската економија. Инвеститорите затоа беа разочарани во петокот од острото забавување на вработувањата во САД во јануари.
Така, резервите на сирова нафта во САД скокна минатата седмица за дури 7,8 милиони барели. Во петокот, пак, Вашингтон објави дека во јануари во САД биле отворени нето 151.000 нови работни места, во однос на 262.000 отворен претходниот месец.
