Граничните премини кон Грција во текот на средата ќе бидат затворени во одреден временски период, поради штрајкот на грчките земјоделци, соопштуваат од АМСМ.
„Во времето од 11:00 до 13:00 часот и од 17:00 до 20:00 часот во целосен прекин ќе биде сообраќајот при влез и излез од Македонија кон Грција на ГП,,Ники”, поради штрајк на грчките земјоделци (фармери). На ГП „Стар Дојран“ блокадата е од 11:00 до 14:00 часот, а на ГП,,Евзони” од 11:00 до 13:00 часот“ соопштуваат од АМСМ.
Инаку, сообраќајот на сите државни патишта во земјата се одвива без забрани и застои, по претежно суви коловози, освен на повисоките и осојничавите места.
Поради појава на магла, видливоста на патните правци Гевгелија – Богданци и Удово – Гевгелија е намалена на 50 до 100 метри.
АМСМ препорачува внимателно возење, прилагодена брзина на движење, почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово и Виница – Берово, каде е можна почеста појава на одрони.