Изложба на 24 фотографии од скопскиот фотограф Стефан Шашков, под наслов „Напуштените храмови“, поставена е во Њујорк, во MC Gallery од 29-ти јануари до 7-ми февруари.
Фотографиите се направени во 2014-та година, во селата во Велешкиот регион, под водство на Дарко Николовски, советник конзерватор во Републичкиот завод за заштита на спомениците, кој воедно е и куратор на истата.
Осврт за фотографиите напишаа Владиката канадско- американски Методија Златанов, професорот на Харвард Ханс Гугенхајм и сликарот Александар Станковски.
Дел од фотографиите се веќе во сопственост на Лори Андерсон, Проект Гугенхајм, Чарлс Линч & Џули Бордо и Антони Ансаров.
Изложбата е реализирана со помош на Министерството за култура на Република Македонија.
