Во сабота, во два наврати, во целосен прекин ќе биде сообраќајот на граничниот премин Меџитлија – Ники, поради штрајк на грчките земјоделци.
Според известувањето добиено од МВР, во сабота, во периодот од 11 до 13 часот, и од 18 до 20 часот поради штрајк на грчките земјоделци, со поставување на земјоделски машини и трактори во близина на Граничен премин „Ники“- Република Грција, сообраќајот ќе биде во целосен прекин при влез и излез од Република Грција.
Грчките земјоделци и минатата недела неколкупати го затвораа граничниот премин со Македонија.