Извозот на иранска нафта ќе се зголеми за повеќе од 20% во јануари и февруари во споредба со истиот период од минатата година. Ова го покажуваат податоците од регистрите за утовар на танкери, објави „Ројтерс“.
Според агенцијата ова се првите факти за брзо закрепнување на извозот на земјата по елиминацијата на повеќето од меѓународните санкции против неа. Најверојатно станува збор за расчистување на залихи, наредени по депоа и вкотвени во танкери во морето во последните 4 години.
Распоредот за утовар покажува дека во јануари во просек ќе бидат натоварени за извоз по 1,5 милиони барели дневно, а во февруари по 1,44 милиони барели. Во овој месец се натоварени најголемите количини од февруари 2014-та година, а податоците од тоа колку од нив се извадени од купувачите ќе има не порано од средината на февруари.
Иран може многу брзо да се врати со големи количини на светскиот пазар, каде во моментов се смета дека има вишок од околу 1 милион барели дневно.
Повеќето од складираните речиси 40 милиони барели претставува кондензат, односно суровина со висок квалитет.
Пред санкциите, Иран изнесуваше околу 3 милиони барели дневно и главен извор за враќање на овие нивоа се очекува да биде Индија. Од овогодинешните купувања таа има преземено 183.000 барели дневно во јануари и нарачала над 300.000 барели на ден за февруари.
При намалувањето на санкциите властите и наредија на нафтената индустрија да се подготви за зголемување на приносот со 500.000 барели. Надежта е 200.000 од нив да одат во Европа, но пред тоа превозниците мора да го одобрат проблем со осигурување на товарот.
Засега речиси се што е изнесено оди во Азија – 1,25 милиони барели дневно за јануари и 1,2 милиони за февруари. Кина останува водечкиот увозник на иранска нафта со 504.000 барели на ден за февруари.
