„Toyota“ сериозно размислува да го преземе управувањето и над остатокот од „Daihatsu“, а тоа веројатно ќе се оствари преку договор со вредност од 3,1 милијарди долари, пишува весникот „Nikkei“.
Во моментов јапонскиот гигант поседува 51,2 отсто од акциите на „Daihatsu“, која во 2015-та година забележа 13,3 отсто пад во продажбата. Сепак се тврди дека „Toyota“ е заинтересирана за купување на остатокот од производителот на компактни машини.
Се претпоставува дека токму преку целосно купување на акциите на „Daihatsu“, „Toyota“ ќе го насочи вниманието кон растечкиот пазар на Индија, каде што малите автомобили се премногу барани.
Заедничката историја на „Toyota“ и „Daihatsu“ започнува уште во 1967-ма година, а во 1998-ма јапонскиот концерн стекнува мнозински удел во „Daihatsu“.
Ако договорот за целосно стекнување на „Daihatsu“ биде склучен, најверојатно „Toyota“ ќе се обиде да го повтори успехот на „Renault“ со достапната марка „Dacia“, додава јапонското бизнис издание.
