Францускиот суд пресуди дека компанијата за таксирање со посредство на апликацијата Uber мора да му плати 1,2 милиони евра на француското здружение на таксисти, пренесе агенцијата AFP.
Uber оваа сума треба да му ја уплати на Државното здружени на таксисти(UNT), кое се жалеше дека возачите на Uber се однесуваат како традиционални таксисти-чекаат на улица во надеж дека некој од нив ќе побара услуга превоз.
Пресудата е донесена на вториот ден од големиот протест на таксистите, кои се револтирани од влијанието на Uber врз нивното работење.
UNT го обвини Uber France дека возачите „двосмислено“ ги информира за прописите за приватен наем на автомобили, кои според францускиот закон по секоја тура возење треба да бидат вратени во гаража, а не да се паркираат и да продолжат со друга тура.
Uber го отфрли обвинувањето, тврдејќи дека „редовно ги информира“ своите возачи дека по возење мора да се вратат во гаража.
