Државниот завод за статистика денеска ги објави податоците за индексите на просечната месечна исплатена нето и бруто плата по вработен за месец ноември.
Според податоците на Државниот завод за статистика, индексот на просечната месечна исплатена нето-плата по вработен, во ноември 2015 година, во однос на ноември 2014 година, изнесува 101.8.
Ваквото зголемување е резултат, пред сé, на зголемувањето на просечната месечна исплатена нето-плата по вработен во секторите: Други услужни дејности (9.2%), Административни и помошни услужни дејности (8.4%) и Градежништво (7.1%).
Намалување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (23.5%), Рударство и вадење на камен (7.4%) и Дејности во врска со недвижен имот (2.6%).
Просечната месечна исплатена нето-плата по вработен, во ноември 2015, изнесува 21.976 денари.
Во ноември 2015 година, 1.2% од вработените во Република Македонија не зеле плата.
Според податоците на Државниот завод за статистика, индексот на просечната месечна исплатена бруто-плата по вработен, во ноември 2015 година, во однос на ноември 2014 година, изнесува 102.0
Ваквото зголемување е резултат, пред сé, на зголемувањето на просечната месечна исплатена бруто-плата по вработен во секторите: Други услужни дејности (9.5%), Административни и помошни услужни дејности (8.6%) и Градежништво (7.6%).
Намалување на просечната месечна исплатена бруто-плата по вработен, во однос на претходниот месец, е забележано во секторите: Уметност, забава и рекреација (20.0%), Рударство и вадење на камен (7.4%) и Дејности во врска со недвижен имот (2.5%).
Просечната месечна исплатена бруто-плата по вработен во ноември 2015 изнесува 32.268 денари.
Во ноември 2015 година, 1.2% од вработените во Република Македонија не зеле плата.
