Бизнис довербата во најголемата европска економија – германската, се намалила во јануари веќе втор последователен месец, што претставува големо изненадување за сите. Тоа беше уште еден знак за слабост на водечката регионална економија.
Индексот на институтот „Ifo“ е намален до 107.3 поени во овој месец во однос на ревидираната вредност за минатиот месец од 108.6 поени. Резултатот се покажа под просечните очекувања на аналитичарите за вредност од 108.4 поени. Германското индустриско производство е во се поголем ризик од забавување на растот, во услови на поголема од очекувањата слабост на економијата на Кина и забавувањето на глобалниот раст.
Во текот на изминатата недела ММФ го прогнозираше растот на глобалната економија во услови на пад на цените на суровините и политичката несигурност во Бразил. Оваа година светската економија се очекува да порасне за 3,4% во однос на проектираните пред тоа 3,6%, се вели во тримесечниот извештај на Фондот.
Недооценети беа прогнозите и за растот за наредната година – до 3,6%, наспроти претходните очекувања за пораст од 3.8% пред три месеци. И покрај предвидувањата на ММФ, германската централна банка ги задржува очекувањата за раст на извозот и БДП на Германија, а според нив критични за тоа што ќе поевтини еврото и ниските камати, како и добрата состојба на пазарот на трудот.
Германската економија се зголеми за 1,7% во текот на изминатата година, а очекувањата се таа да порасне за 1,8% оваа и 1,7% следната година. Од почетокот на декември индексот „DAX“ се намали за над 10%.
