„American International Group Inc“ (AIG) одлучи да ги одвои активностите за осигурување на хипотеки, соопштува „Ројтерс“, повикувајќи се на информирани анонимни извори.
Одлуката сепак едвај ќе е доволно за да го смири инвеститорот Карл Ајкан, кој инсистира компанијата да се подели на три одделни претпријатија.
Во првите девет месеци од 2015-та година бизнисот со осигурување на хипотеки на „AIG“ донел приходи во износ од над 791 милиони долари. Приходите од активностите изнесуваат 7,4% од приходите на групацијата пред оданочување, наведува новинската агенција.
Се очекува осигурителот да расправа за иднината на својата дејност во вторник, кога ќе го објави и својот стратешки план за развој.
Компанијата се очекува да ги информира инвеститорите и за продажбата на единицата „Advisor Group“, како и за други иницијативи насочени кон освојување на поддршката на акционерите.
Агенцијата нагласува дека Ајкан инсистира „AIG“ да стане помала компанија и да се раздели со етикетата „небанкарски финансиски институции од систематско значење“. Засега раководството на групата го издржа притисокот на инвеститорот.
Ајкан откри во ноември дека поседува 3,4% од акциите на „AIG“, што го прави петти најголем акционер, покажуваат податоците на „Thomson Reuters“.
Новинската агенција потсетува дека осигурителната компанија беше спасена во 2008-ма година од американската влада и поради оваа причина беше вклучена во групата на финансиски институции од систематско значење.
Структурата на трошоците на „AIG“ останува причина за загриженост кај инвеститорите на компанијата.