Џон Фули уредникот на Ројтерс во интервјуто за РТС изјави дека финансискиот пазар е главна тема и за тоа жестоко се дебатира во Давос. На луѓето не им е јасно зошто, но очигледно е дека светскиот пазар зависи од кинескиот раст кој сега е забавен, вели Фули. Иако, некои експерти сметаат дека растот е побрз од очекуваниот, истакна уредникот Ројтерс.
Која е клучната порака која оваа година се испраќа од Давос?
Мислам дека се две главни пораки. Едната се однесува на пазарот. Луѓето се многу загрижени поради финансиите. Финансискиот пазар е главна тема и за неа многу жестоко се дебатира во Давос. На луѓето не им е јасно зошто, но очигледно е дека светкиот пазар зависи од кинескиот раст кој сега е забавен. Иако, некои експерти сметаат дека растот е побрз од очекуваниот. Доста се зборува и за Блискиот Исток, за Саудиска Арабија, за цената на нафтата во Арабија која располага со огромен буџет. Се разговара и за Иран кој се враќа на светскиот пазар и за тоа како тие два важни блискоисточни пазари ќе влијаат и делуваат на светскиот пазар воопшто.
Изгледа дека бегалската криза е голем проблем. Како да не може да се најде заедничко решение?
Имиграцискиот проблем би требало да не интересира сите. Меѓутоа, Давос не е место каде што може да се најде решение за тој проблем. Британскиот премиер говореше за Европската унија и за тоа дека Британија е многу загрижена поради бегалскиот проблем. Но Давос не е место каде што може да се зборува за тоа. Луѓето доаѓаат тука за да скијаат и добро да си поминат за викенд.
Но, ширум светот важи мислењето дека Давос е место каде ќе се креира овогодишната светска политика?
Тука се претставуваат компаниите кои сакаат да бидат лидери на светскиот пазар, да придонесат за развојот и иновациите во економијата. Факт е дека тука се собираат многу богати луѓе и претприемачи кои се договараат како да се насочат новите тенденции за економски развој и да се обезбеди квалитетен пазар во светот.
Како вие ги гледате главните промени во светската економија оваа година?
Еден од најважните предизвици е да се пропагира различноста. На пример, да се инсистира на поголемо ангажирање на жените, бидејќи ако погледнете дека само 18 делегати во Давос се жени, тогаш е јасно дека тоа е еден проблем.
Која земја е мала земја?
Јас мислам дека е најважно земјата да биде отворена. Тоа е најдобриот начин да се привлечат инвеститори. Потребно е да се обезбеди отворен пазар за инвеститорите, за обрт на капиталот со цел уште подобро да комуницираат со останатиот дел од светот.