Европската централна банка (ЕЦБ) ќе ја разгледа во март можноста од дополнително прилагодување на монетарната политика со оглед на превирањата на финансиските берзи и загриженоста поради Кина и останатите берзи во настојување, порача во четвртокот претседателот на ЕЦБ, Марио Драги.
Во ЕЦБ очекуваат дека каматните стапки ќе останат на сегашно, ниско ниво подолг период, рече Драги на прес конференција, по редовната месечна седница на управниот совет.
ЕЦБ ги задржа денеска каматните стапки на рекордно ниско ниво.
Челникот на ЕЦБ се осврна на ризиците со кои економијата на еврозоната се соочи од декемвриската седница, на која беа снижени каматните стапки на депозитите на банките длабоко во негативно подрачје и беше продолжена програмата за откуп на имот.
„На почетокот на годината повторно зајакнаа ризиците за слабеење на активностите поради зајакнатата неизвесност околу изгледите за раст на пазарните економии во развој, волатилност на финансиските и пазарите на стоки“, како и геополитичките ризици“, рече Драги.
„Поради ова ќе биде нужно да се анализира и да се разгледа можноста од прилагодување на монетарната политика на нашата наредна седница во март“, рече челникот на ЕЦБ, сигнализирајќи ја можноста од воведување на нови мерки порано од што очекуваа многу актери на пазарот.
Што се однесува до прогнозите за економијата, Драги меѓу неповолните фактори кои би можеле да го придушат опстанокот на еврозоната ги издвои нестабилноста на глобалната економија и геополитичкиот ризик.
Грижи на ЕЦБ му задава и ниската цена на енергентите што ги притиска и останатите цени на стоки у услуги, поттикнувајќи уште поголемо оддалечување на стапката на темелната инфлација од нешто помалку од два отсто.
„За стапката на инфлацијата сега се очекува дека во наредните месеци ќе остане на многу ниско ниво, или во негативно подрачје, а би закрепнала дури во вториот дел од 2016 година“, вели Драги.
