Грчкиот премиер Алексис Ципрас изјави денес дека Атина го прифаќа инсистирањето на европските партнери ММФ да има улога во контролирањето на меѓународната финансиска програма за Грција.
Ципрас на панелот во рамките на Светскиот економски форум во швајцарски Давос изјави дека Грција верува дека ЕУ може да ја регулира таа програма сама, но дека го прифаќа и учеството на ММФ.
„Дебатата беше долга и слушнавме различни мислења. Некои партнери побараа и ММФ да биде вклучен и ние се согласивме да се склучи таков договор. Сега правиме се што можеме тој договор да се примени“, изјави Ципрас.
Германскиот министер за финансии Волфганг Шојбле на истиот панел изјави дека Германија и останатите земји се сложиле Грција да добие помош под услов и ММФ да биде вклучен во програмата.
