Грчкиот државен приватизационен фонд соопшти во средата дека ја прифати понудата на кинеската групација Коско за откуп на 67 отсто од акциите на пристаништето во Пиреа, најголемо во државата.
Приватизациониот фонд наведе дека ја прифатил подобрената понуда на Коско од 368,5 милиони евра за откуп на 67 отсто од акциите, или 22 евра по акција.
Во соопштението се наведува дека договорот ќе и донесе финансиски бенефит на Грција, со оглед дека Коско се обврзал да инвестира во пристаништето.
Левичарската влада во Грција по изборите во септември престана да се противи на големите приватизации, по спогодбата со еврозоната за третиот пакет помош.
