Во организација на Евроатлантскиот совет на Македонија, Стопанската комора и Факултетот за безбедност, денеска ќе се одржи конференцијата „Влијанието на евроатлантските интеграции врз економијата на Република Македонија“.
Целта на конференцијата е да ги собере на едно место владините претставници, претставниците на невладиниот сектор, истражувачите, компаниите, академскиот сектор и тинк-тенк општеството за размена на нивните идеи и размислувања во контекст на развојот на економијата преку интегративните процеси на државата во евроатланските структури.
На конференцијата ќе учествува министерот за економија Ваљон Сарачини, а обраќање ќе има државниот секретар во Министерството за одбрана Сашо Стефаноски.