Меѓународниот монетарен фонд го намали прогнозираниот раст на глобалната економија во услови на пад на цените на суровините и политичката несигурност во Бразил.
Поскапувањето на американскиот долар сериозно ги отежнува можностите пред американската економија, сметаат од меѓународната организација. Светската економија се очекува да порасне за 3,4% во оваа година во однос на проектираните пред тоа 3,6% во октомври, се вели во тримесечниот извештај на Фондот.
Намалувањето на прогнозите и за растот за наредната година е до 3,6%, наспроти претходните очекувања за пораст од 3.8% пред три месеци. Токму стравувањата од забавувањето на американската и кинеската економија беа во основата на сериозната загуба за индексот „Standard & Poor’s 500“, како и останатите водечки берзански индекси, од почетокот на годината.
„Оваа година ќе биде година на големи предизвици – како економски, така и политички. Има сериозна загриженост за порастот и на долг рок“, се вели во извештајот на ММФ.
Според прогнозите на ММФ, светската економија забележала раст од 3,1% во текот на изминатата година, што е нејзината најслаба презентација од 2009-та година, па наваму. Растот на земјите во развој и развиените економии е забавен веќе петта година по ред. Три се главните ризици пред светската економија во оваа година, според меѓународната организација.
На прво место е доцнењето на новите економии; на второ место – многу силното забавување на кинеската економија по преминувањето кон раст, ориентиран кон домашната потрошувачка; на трето – зголемувањето на каматите од страна на ФЕД.
