Големите снежни врнежи кои го зафатија Истанбул предизвикаа големи проблеми во транспортот, поради што беа откажани авионски летови и не сообраќаа линиите на ферибродите, а затворени останаа и училиштата.
Снежната бура се очекува да трае до вторник до крајот на денот.
Според Turkish Airlines, некои од главните авиооператори откажаа 457 летови од двата истанбулски аеродроми, Ататурк и Сабиа Гокчен, на два дена по совет од метеоролозите.
Како што соопшти локалната самоуправа, околу 5.500 луѓе работат на расчистување на околу 4.000 километри патишта.
Во изјавата се додава дека метрото и трамвајот функционираат.