Бројот на облакодери на глобално ниво се зголеми сериозно во изминатата година. Во моментов има 100 супервисоки згради, или оние со височина од над 300 метри.
Последната таква зграда се појави во Њујорк. Постои бум на изградба на облакодери во светот, а овој тренд во голема мера е предодреден од Азија и Блискиот Исток.
И додека за ставањето во функција на првите 50 облакодери биле потребни повеќе од 80 години – помеѓу 1930 и 2010-та година, следните 50 стануваат реалност само во следните пет години, според податоците на „Council on Tall Buildings and Urban Habitat“ (CTBUH).
Која ќе биде следната трка при супервисоките згради?
Според експертите ќе се формира нова подгрупа облакодери – мегависоки. Тие ќе се со височина од над 600 метри. Во моментов има само три слични згради, воведени во функција. Нивниот број се очекува да се удвои во текот на следните неколку години со воведувањето на кулите „KL118 Tower“ во Куала Лумпур и „Jeddah Tower“ во Саудиска Арабија.
На крајот на ноември архитектите од „AMBS“ ги открија плановите да изградат облакодер, кој ќе биде висок 1152 метри. Неговото име ќе биде „Невестата“ и ќе претставува новата највисока зграда во светот. Кулата е предвидена да се наоѓа кај „Мостот на заливот“ во Басра во Ирак, еден од најбрзо растечките бизнис области во земјата.
