Крајот на трговската седмица донесе најмал промет на Македонската берза на хартии од вредност во вкупен износ од 4.268.276,00 денари. Реализирани беа вкупно 50 трансакции со акции, додека обврзниците „паузираа”.
Единствена акција со која беше реализиран промет од над милион денари е акцијата на „Комерцијална банка“ АД Скопје. Вкупно 660 акции беа истргувани по просечна цена од 2.320,00 денари, со што вредноста на акцијата остана непроменета.
Следни на листата според промет се најдоа акциите на „Алкалоид“ АД Скопје (156 акции, просечна цена 5.401,13 денари), „Македонијатурист“ АД Скопје (200 акции, просечна цена 3.751,00 денари) и „Гранит“ АД Скопје (1010 акции, просечна цена 486,34 денари).
Индексот МБИ10 денес заврши со минимален пораст од 0,07 отсто.
