Падот на цените на нафтата, кој доведе до катаклизми и намалување на трошоците на традиционалната енергетска индустрија, беше добар за обновливите извори. Минатата година секторот привлекол рекордни инвестиции – 329,3 милијарди долари, објави „Bloomberg“.
Растот од 4% на трошоците за технологии за „чиста енергија“ во однос на 2014-та година се одразуваат, како на опаѓањето цените на фотоволтаиците и турбините на ветер, така и неколку големи финансиски средства за создавање на крајбрежни фарми со ветерници, според истражувањето на „Bloomberg New Energy Finance“ (BNEF).
„Овие бројки се одмазднички удар кон сите што очекуваа инвестициите во „чистата енергија“ да забави поради падот на цените на нафтата и гасот. Тие се одразуваат на подобрувањето на ценовната конкурентност на сончевата и ветерната енергија“, вели Мајкл Лијбрих, основач на лондонската консултантска поделба на „Bloomberg LP“.
Додека нафтените компании елиминираат работни места и ги намалуваат капиталните трошоци, за да се справат со цените кои се на една третина од својот врв во 2014-та година, обновливите извори уживаат во преродбата, поддржана од правила создадени да престанат јаглеродните емисии кои ја уништуваат атмосферата.
Нафтата „Брент“ се тргува за речиси 30 долари за барел овој месец, откако во 2014-та година неговата цена достигна над 110 долари, и во позадина на борбата на извозниците, предводени од Саудиска Арабија, за удел на пазарот. Цените на јагленот и природниот гас го следеа трендот кај цените на нафтата, така што доведоа неколку производители до банкрот.
Иако „BNEF“ вели дека пониските цени може да се одразат негативно на финансирањето за проекти за ефикасност и ширењето на електричните, основните технологии за „чистата енергија“ уживаат во рекордни стартувања на проекти во 2015-та година.
Уште една силна година претстои за обновливите извори во 2016-та година, вели Ангус МакКрон, главен аналитичар во „BNEF“. Постигнувањето на таков баланс може да доведе до евентуален пад на финансирањето за подружници компании кои привлекоа поголеми инвестиции во 2015-та година, и одбележуваат перспективи за крајбрежниот бизнис за фарми на ветерници.
„Постојат многу неизвесности за тоа колку силна ќе биде поддршката на Велика Британија за крајбрежните ветерници. Тоа е условено од намалувањето на трошоците, што мислам дека ќе се случи, но тешко е да се каже колку ќе добијат поддршка“, вели МакКрон.
Кина останува најголем пазар за обновливи извори, зголемувајќи ги инвестициите за 17% до 110,5 милијарди долари. Тоа е речиси двојно во однос на инвестициите од 56 милијарди долари во САД, кои се на второ место според рангирањето на „BNEF“. Силниот долар помогнал да се даде поттик на вредноста на инвестициите.
Во Индија финансирањето за „чиста енергија“ порасна за 23% до 10,9 милијарди долари, а нови пазари, меѓу кои Мексико, Чиле и Јужна Африка, привлекоа десетици милијарди долари. Бразил сепак се противи на трендот со пад на инвестициите од 10% до 7,5 милијарди долари.
„Ветерот и сончевата енергија сега се перцепираат во многу земји во развој, како природен и значителен дел од енергетскиот микс. Тоа може да биде генерирано поевтино во споредба со високите енергетски цени на големо. Ова ја намалува изложеноста на земјата во однос на очекуваните цени на фосилните горива. Освен тоа ваквите извори можат да бидат изградени многу брзо, за да одговарат на неоствареното пребарување на електрична енергија“, вели Лијбрих.
Инвестициите се последица главно на огромните во големина проекти, вклучувајќи и неколку големи крајбрежни фарми со ветерници. Крајбрежниот парк на ветар „Race Bank“ со 580 мегавати во Велика Британија е најголемиот финансиран проект во минатата година, за кој се потрошени 2,9 милијарди долари. Малку по него е паркот „Galloper“ со 2,3 милијарди долари, повторно на Островот.
