Еден ден пред Холивуд да ги награди најдобрите филмови за 2015 година со оскар, на 27 февруари ќе бидат доделени признанијата за најлош филм.
Според изборот на Златната малина, топ пет најлоши филмови во минатата година се:„Fantastic Four”, “Fifty Shades of Grey”, “Jupiter Ascending”, “Paul Blart: Mall Cop 2″ и “Pixels”.
Бколбастерот „Педесет нијанси сиво“, има дури шест номинации за најлош филм, најлош актер, најлоша актерка, најлош режисер, најлошо сценарио и најлоша комбинација сценаристи.
Златната малина, Golden Raspberry Award или скратено Razzie е награда која се доделува за најлошите филмиски остварувања. Основана е од американскиот писател на рекламни текстови и публицист Џон Џ.Б. Вилсон во 1981 година.
Годишното доделување на Златните малини во Лос Анџелес се одржува еден ден пред доделувањето на Оскарите. Една награда чини 4,97 долари и е во облик на малина со големиина на топче за голф, која се наоѓа на ролна 8 мм филм, и целата е испрскана со златен спреј.
