Даночните обврзници во одредени делови на Швајцарија се соочени со исклучително невообичаено барање на фискалните власти кои ги молат да го одложат плаќањето на данок колку што е можно подоцна.
Поради негативните каматни стапки во Швајцарија, што значи дека клиентите мораат практично да им плаќаат на банките за чувањето на пари, кантонот Цуг не сака да акумулира готовина за да избегне плаќање на камати.
На овој начин од кантонот планираат да заштедат околу 2,5 милиони франци годишно.
Претходно во Швајцарија беше пракса обврзиците со кои плаќаат предвреме данок да добиваат попуст.
„Кантонот нема интерес да ги мотивира граѓаните да плаќаат предвреме данок. Напротив, наш интерес е граѓаните да плаќаат што е можно подоцна за да имаме помали трошоци за камати“, стои во соопштението.