Фудбалскиот клуб Ливерпул соопшти дека дел од подготовките за наредната сезона планираат да ги реализираат во Тајланд каде ќе одиграат неколку пријателски средби.
Ливерпул последен пат играше во Тајланд во 2009-та година, а овој пат е предвидено тие да настапат на Националниот стадион во Банког на 28-ми јули.
„Првпат за Тајланд отидовме во 2001-ва година и ова ќе биде наша четврта посета на оваа земја“, изјави директорот на Ливерпул, Јан Ајра.
Англикскиот премиерлигаш во соопштението на својата интернет страна процениле дека во Тајланд имаат повеќе од 14 милиони симпатизери на клубот од Енфилд.
Дополнителни детали од турнејата на „црвените“ ќе бидат објавени во следниот период, иако тие претходно имаа во план да настапуваат во Австралија или Индонезија, сепак се одлучија за Тајланд.