Индустриското производство во Велика Британија се намали во ноември со најбрзо темпо во последниве три години, причина за тоа е топлото време и ниската потрошувачка на енергија, соопштува „Bloomberg“.
На месечна основа намалувањето е 0,7%, кај производството на струја и снабдувањето со гас се намалува за 2,1%, покажуваат податоците на Државниот завод за статистика. Очекувањата на економистите беа за нулта раст.
Податоците нагласуваат несигурната природа на економскиот раст во Велика Британија, кој останува зависен од домашната побарувачка и услужниот сектор. Откако остана без промена во октомври и се намали во ноември, индустриското производство ќе треба да се зголеми за 0,5% во декември, за да избегне намалување во четвртиот квартал.
Британската фунта поевтини по вестите и се тргуваше за 1,444 долари за фунта.
Производствениот сектор се намалува за 0,4% на месечна основа, што исто така е под предвидувањата. На годишна основа падот е за 1,2%, што е петти последователен пад.
Поради слабите податоци, веројатно Англиската централна банка ќе го одложи укинувањето на каматните стапки од рекордно ниските нивоа. Комисијата за монетарна политика заседава во четвртокот, потсетува „Bloomberg“.
