Денеска со почеток во 19.30, во просториите на Јавна соба, се одржува првата самостојна изложба на фотографии на Александра Стеваноска.
Целта на оваа селекција на фотографии е портрет на улични, случајни минувачи, пејсажи и делови од архитектурата. Карактерите на овие фотографии се изолирани и извадени од општествениот контекст. Тие се приказни како “фатени” на дело, “фатени” во нивниот процес на создавање или во нивното битисување. Заедничко на сите фотографии е тоа што укажуваат на нешто препознатливо за нас, а сепак непознато.
Првото изложување на фотографии на Александра Стеваноска во Македонија е под наслов „Познато –непознато“.
По официјалното отворање на изложбата, се одржува коктел – забава со DJ Ѓорѓи Јаневски
Фотографиите се направени во периодот од 2013 до 2015 година, во САД (Њу Јорк, Западниот брег – Сан Франциско, Националните паркови во Калифорија: Поинт Лобос, Њу Порт Бич и Кармел Бич).
Следната изложба на „Познато непознато“ е планирана на пролет во Париз.
Влезот е слободен.
