Сообраќајот се одвива по влажни коловози

Сообраќајот на сите државни патишта се одвива без забрани, по наместа влажни коловози.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево и Виница – Берово, каде е можна почеста појава на одрони.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

Од недела ќе преовладува променливо облачно време, повремено со локален дожд и со услови за магла по котлините. До вторник ќе биде релативно топло, а од среда се очекува спуштање на дневната температура. Во вторник ќе започне да дува повремено засилен ветер од југозападен правец.

Од 15-ти Ноември 2015-та година на сила е законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15-ти Март 2016-та година.