Годишната инфлација во Бразил минатата година се искачи на највисокото ниво за последните 12 години, на 10,67 проценти, соопшти владата во Бразилија.
Вака високата стапка на инфлација, која во оваа земја не е забележана од 2002 година, е повеќе од двојно поголема од владините цели од 4,5 проценти, пренесува агенцијата Франс прес.
Агенцијата констатира дека тоа е најновиот знак за економските проблеми во седмата според големина светска економија.
Државната статистичка агенција IBGE соопшти дека потрошувачките цени во месец декември пораснале за 0,96 проценти на месечно ниво, по растот од 1,01 проценти во месец ноември.