Изминатата година беше исклучителна за финансиските пазари. Еве кои беа најдобрите и најлошите средства за вршење во неа, според податоците на финансиското издание „Bloomberg“:
Валутите
Сомалискиот шилинг регистрираше добар поврат во текот на изминатата година од над 15%, па тоа беше најдобро претставуваната валута на светски план. Сејшелската рупија е втората која најмногу поскапе во светот со зголемување од скоро 10%. Не сите егзотични валути сепак се претставија така добро, затоа што азербејџанскиот манат падна на 20-годишен минимум, откако централната банка на земјата се откажа од контролата на својата валута и таа поевтини за околу 50% во 2015-та година.
Берзански индекси
Берзата во Јамајка била добро место за инвеститорите во изминатата година. Главниот берзански индекс на земјата е зголемен за над 80%. Најголем губитник беше украинскиот пазар, чиј водечки берзански индикатор изгуби 56% од својата вредност во текот на изминатата година.
Суровини
Општо земено 2015-та година беше ужасна за суровините, особено за енергетските. Нафтата загуби над 30% од својата вредност, а слични загуби регистрираа уште платината и паладиум кај овој вид на метали. Златото постигна слаба загуба од само 10%. Меѓу ретките суровини на позитивна територија во 2015-та година беа шеќерот и памукот, а поскапувањето им беше во рамките на околу 5%.
Обврзници
Фондовскиот пазар во Украина може да се прогласи дека се претстави најлошо во текот на изминатата година, но обврзниците во земјата беа меѓу оние кои најмногу поскапеа во својата класа. Ова се случи по договорот за реструктуирање на долгот, а тоа доведе до поскапување на државните обврзници за околу 50%. На спротивниот фронт, со загуби од над 20%, се одликуваат бразилските државни обврзници, што во голема мера не е изненадување, со оглед на корупциските скандали во земјата.
