Словенечкиот министер за финансии Душан Мрамор е избран за најуспешен министер за финансии во Европа оваа година.
Ова вредно признание му го додели лондонскиот магазин „Banker“ од групацијата „Financial Times“, соопшти Министерството за финансии на Словенија
„Министерот го доби признанието за европски министер за финансии заради неговиот придонес за излезот на Словенија од рецесијата и стабилизацијата на банкарскиот систем, како и за неговиот успех во продолжувањето на приватизацијата и имплементацијата на целокупната програма на реформи и активности во насока на постепена јавно финансиска консолидација на Словенија“, рече уредничката на магазинот, Стефани Линхардт.
