Романската влада се договори со синдикатите и работодавците за зголемување на бруто минималната плата за 19 проценти на 1.250 леи (300 долари) месечно.
Одлуката стапува на сила започнувајќи од мај 2016 година, соопшти владата во Букурешт.
Таа мерка ќе донесе корист за 1,13 милиони работници во Романија, меѓу кои 39,000 се вработени во јавниот сектор, изјави портпаролот на романската влада, Дана Сучиуа.
„Преговорите започнаа на 18 декември, разговаравме со синдикатите и здруженијата на работодавци. Една од важните цели е обновување на социјалниот дијалог“, изјави тој.
Романските парламентарци овој месец го освоија буџетот за 2016 година со кој се предвидува зголемување на платите и намалување на даноците, но и зголемување на инвестиционата потрошувачка, како и задржување на буџетскиот дефицит под границата на Европската унија од 3,0 проценти.
Претходната левичарска влада, која во ноември поднесе оставка, по масовните улични протести поради загинувањето на 63 лица во пожар во ноќен клуб, планираше од 1 јануари 2016 година да ја зголеми минималната плата на 1.200 леи.
