Глобалниот економски раст следната година ќе биде разочарувачки, изјави директорката на Меѓународниот монетарен фонд ММФ, Кристин Лагард.
Лагард: Разочарувачки економски раст наредната година
„Во многу земји финансискиот сектор е и понатаму слаб, а на пазарите во развој растат финансиските ризици. Сето тоа значи дека глобалниот раст ќе биде разочарувачки и нееднаков“, изјави Лагард во статија за германскиот весник „Ханделсблат“.
Таа додаде дека ниската продуктивност, стареењето на популацијата и ефектите од глобалната финансиска криза го кочат економскиот напредок.
Лагард додаде дека тие фактори ги ослабеле среднорочните прогнози за глобалниот економски раст.