Германија во 2015 година би требало да оствари извоз близу 1.200 милијарди евра, што е нов рекорд, оцени во понеделникот претседателот на федерацијата на надворешна трговија BGA.
Рекордот е остварен во услови на потешкотии на повеќе пазари особено во Кина.
„Германските компании очекуваат нови рекорди како во извозот така и во увозот“, изјави Антон Бернер.
Германската федерација прогнозира раст на извозот од 6 отсто на 1.197 милијарди евра и на увозот од 4 отсто, на 947 милијарди евра што на првата економија на Европа и гарантира солиден трговски суфицит.
На германската надворешна трговија сепак и се закануваат бројни опасности, особено забавување на растот во бројни држави во развој. Германската индустрија е посебно зависна од состојбата во Кина.
