Малопродажната цена на бензините ноќеска на полноќ се намалува за еден денар, додека дизелот поевтинува три денари, одлучи Регулаторната комисија за енергетика во понеделникот.
Согласно одлуката, цената на еуросупер-бс-95 изнесува 61,5 денари, додека цената на еуросупер-бс-98 изнесува 63,5 денари за еден литар.
Новата цена на еден литар еуродизел (Д-Е V) изнесува 43,5, а на екстра лесното масло за домаќинство (ЕЛ-1), кое исто така поевтинува за три денари, изнесува 32,00 ден.
Малопродажната цена на мазутот М-1 НС се намалува за 1,774 ден/кг, и со тоа цената на М-1 НС изнесува 15,969 денари за еден килограм.
Просечната цена на сурова нафта на светскиот пазар во изминатиот 14-то дневен период изнесуваше 36,768 долари за еден барел и е за 9,63% пониска од просечната цена на сурова нафта (по која беа формирани тековните цени на нафтените деривати.
Курсот на денарот во однос на доларот во изминатиот 14-то дневен период изнесуваше е за 1,052 % понизок од курсот на доларот по кој беа формирани цените.
Референтните цени на нафтените деривати на светскиот пазар во споредба со изминатиот четиринаесетдневен период бележат намалување кај бензинот во просек за околу 4,94%,кај дизелот намалување во просек за околу 13,71% и кај мазутот намалување во просек за околу 13,82% или за околу 23,038 $/тон, поради што во структурата на цените на нафтените деривати е извршено соодветно прилагодување, појаснуваат регулаторите.
