Гонорејата би можела да стане неизлечива болест, предупредува шефицата на англиската служба за јавно здравство Сели Дејвис.
Како што наведува BBC, Дејвис им упатила допис на здравствените служби, аптеките и лекарите, по појавата на супер гонорејата во Лидс, бидејќи утврдила дека пациентите не ја добиваат соодветната терапија.
Високиот резистентниот сој на гонореја е откриен во март во северна Англија. За лекување на оваа бактерија потребно е да се зема комбинација од два антибиотика, азитромицин орално и инјекција цефтриаксон.
Некои пациенти, предупреди Британското здружение за сексуално здравје и ЈИВ, добиваат меѓутоа само орално лекувања, а токму земањето на таквата несоодветна терапија ѝ дава поттик на бактеријата да развие резистенција поради што гонорејата може да стане неизлечива болест.
Болеста ја предизвикува бактеријата Neisseria gonorrhoea, а се шири преку незаштитени сексуални односи.
Гонорејата е втората најчеста полово пренослива болест во Англија, а има сé повеќе регистрирани случаи. Бројот на заразени пораснал за 19 отсто во 2014 година во однос на претходната година.
