Концернот „Daimler“ наскоро ќе има нов шеф, соопштуваат медиумите во Германија. Договорот на сегашниот шеф Дитер Цетче истекува следната година, а за негов наследник е посочува Ола Калениус, кој во моментов е одговорен за глобалната продажба на „Mercedes-Benz“ и „Smart“.
Се очекува акционерите во концернот да ги продолжат ингеренциите на 62-годишниот Цетче до 2019-та година, но потоа ќе треба да му се бара заменик. Единствената кандидатура е онаа на 46-годишниот Швеѓанец, Калениус кој до минатата година беше шеф на спортската поделба „Mercedes-AMG“.
Сегашниот извршен директор на „Daimler“ ја поминал целата своја кариера во концернот. Тој започнува со работа во истражувачкиот оддел штом завршува универзитет. Од 1998-ма година Цетче почнува да се искачува во хиерархијата. Токму тој во 2007-ма година беше во основата на разделбата со „Chrysler“, а оттогаш го предводи „Daimler“.
Со назначувањето на Калениус германскиот производител зема курс за подмладување на раководството што треба активно да почне да ги развива електричните, водородните и автономните автомобили. „Злобните јазици“ велат дека во „Daimler“ го следеле примерот на својот голем конкурент „BMW“, кој претходно оваа година беше предводена од 49-годишниот Харалд Кругер.
За доказ дека Калениус се подготвува за нов шеф на „Daimler“, се прифаќа и фактот дека токму тој во понеделникот го претстави новиот претседател на американската поделба на „Mercedes-Benz“. Тоа е 47-годишниот Дитмар Екслер, кој до неодамна беше потпретседател за маркетинг. Неговиот претходник Стив Кенон ја напушти компанијата.
