Клуб на менаџери-претприемачи при Стопанската комора на Македонија (СКП) кој треба да им помогне на бизнисите за нивен постојан раст, креиран е денес во Скопје.
Причините за формирање на ваквиот клубот е да се следат трендовите во европските земји, но и да се задоволат потребите и барањата на домашните компании од друга страна.
Со Клубот се креира нова алатка која ќе ги поврзе сите бенефити на едно место и ќе понуди и нови услуги се` со цел поддршка на малите и средни компании во насока на пронаоѓање деловни партнери, промоции, соработка на домашните со странските компании и создавање синџири на добавувачи, искористување на ЕУ-фондовите, пронаоѓање партнери од Европа, учество на едукативни настани со врвни предавачи од земјата и од странство и експерти од компаниите, користење на арбитражата за решавање на стопанските спорови и брза наплата на ненаплатените побарувања, давање правна поддршка и консултантски услуги, давање стручни анализи од реномирани домашни и меѓународни центри за истражување и слично.
Клубот на менаџери-претприемачи претставува ексклузивна можност за интегрирање во мрежа на мали и средни компании кои заедно растат, постојано се едуцираат и постигнуваат успех преку искористување на сите поволности од програмата на Клубот и институциите кои се вклучени во истио, се вели во соопштението на СКМ.
