Американскиот центар за глобален развој пресметал дека Американците со светлечките божикни украси потрошуваат повеќе електрична енергија од некои држави во текот на целата година.
За украсите на елките, во домовите, дворовите и на јавните површини, во САД се трошат 6,63 милијарди киловат/часови струја. Тоа претставува 0,2 отсто од целокупната годишна потрошувачка на електрична енергија во САД.
На пример, Савладор за целата година троши 5,53 милијарди, Етиопија 5,3 милијарди, а Танзанија 4,8 милијарди киловат часови електрична енергија.
Американците годинава, пак, од Кина увезле божикни украси во вредност од 1,2 милијарди долари и вештачки елки за 163,3 милиони долари.
