Украинскиот премиер Арсениј Јацењук побара од парламентот итно да го прифати буџетот за 2016 година, усогласен со барањата на Меѓународниот монетарен фонд(ММФ), за да се избегне економска катастрофа во таа земја, опустошена со тешката економска криза и оружениот судир на истокот.
„Буџетот мора да биде прифатен“, рече Јацењук на седница на владата, на само еден ден пред повторната расправа за буџетот во парламентот.
„Неодговорноста на некои пратеници и пратенички групи би можела да доведе до неисплата на пензиите и платите, недоволно средства за украинската војска и полиција, за училиштата и болниците, што би било економска катастрофа“, рече Јацењук.
Тој додаде дека нема да се дозволи уништување на финансиската стабилност на земјата.
Усвојувањето на буџетот за 2016 година доцни заради несогласувања во врска со фискалната реформа.
