Хорот „Кочо Рацин“, под диригентство на Сања Пановска Миланова, вечерва ќе одржи концерт во фоајето на МОБ.
„Времеплов на македонската музика“ е концерт посветен на македонската хорска музика а воедно и одбележување на 69 години постоење на хорот.
Ќе бидат изведени делата од С.Гајдов, Т.Прокопиев, В.Николовски, Т. Скаловски и други.
Специјални гости на вечерта ќе бидат Женскиот младински хор при МКЦ под диригентство на маестро Сашо Татарчевски кој ќе ја збогати вечерта со нивната секогаш беспрекорна изведба.
Влезот е слободен а концертот ќе започне во 21 часот.
