Во Дом на култура „Кочо Рацин“ во Скопје, денес во 19 часот, ќе се одржи традиционалната поетска манифестација „Денови“ посветена на чествувањето на великанот на македонската современа поезија, поетот Кочо Рацин.
Програмата ќе биде збогатена со музичко-поетски перформанси, а ќе биде промовирана и првонаградената стихозбирка „Постела на тишината“ од Марина Мијаковска, овогодинешниот добитник на наградата „Бели мугри“ за 2015 година.
„Постела на тишината“ е петта стихозбирка на авторката. Композициски се состои од 51 лирски песни распoстелени во три носечки циклуса: Тишина по рабовите на страниците, Постела на тишината и Кочо Рацин (Во писмото на тишината).
