Управата на Пивоварна Лашко до крајот на месецот мора да се договори со банките за репрограмирање на поголем дел од своите кредити, инаку на претпријатието му се заканува стечај. Рокот за репрограмирање на кредитот истече, а конечен договор сè уште нема, пренесува порталот „Seebiz“.
Во соопштението на службата за стратешко комунцирање на Лашко се наведува дека Управата на групата Лашко во последно време со банкарските доверители интензивно преговарала за репрограмирање на кредитот. Тие велат дека преговорите за репрограмирање, кои за работењето на Пивоварна Лашко се исклучително важни, сè уште траат и не се договорени во целост.
Повеќе детали за текот на преговорите и условите на едната или на другата страна пред заклучувањето на договорот не можат да бидат откирени, се наведува во соопштението.