Родителите во Шведска, по Нова година, нема да плаќаат за лековите не своите деца до 18 години, мерка предвидена со новиот закон за здравствена заштита.
Измените на Законот се донесени со цел да се намали нееднаквоста, а собранието гласаше за законот, со цел „да се овозможи здравствена заштита во еднакви можности за децата и да се намалат здравствените нееднаквости меѓу припадниците на различни социоекономски групи“.
Децата на доселениците, исто така ќе бидат корисници на овие поволности, како и децата на барателите на азил, кои нелегално престојуваат во земјата чекајќи документи.
Мерката да се намалат трошоците на родителите за лекови за децата е дел од повеќето реформи во здравството, меѓу кои и бесплатна мамографија, бесплатни контрацептиви за жени до 20 години и други.
Шведска се подготвува и да ја зголеми возрасната граница за бесплатен забар од 19 години на 23 години, мерка што треба да стапи на сила до 2018 година.