Во Словенија во месец октомври бројот на невработени порaснал за 0,2 проценти во однос на претходниот месец, па така стапката на невработеност изнесувала 11,7 проценти, додека анкетната невработеност изнесува 8,6 проценти, објави словенечкиот статистички завод.
Вкупно се регистрирани 107.488 невработени лица, што е за 7,3 проценти помалку отколку лани. Од 2008 година кога стапката на невработеност била најмала, бројот на невработени лица никогаш не паднал на помалку од 100.000.
На крајот на октомври биле вработени 918,000 лица, од кои 55 проценти се мажи, а бројот на работно активни лица се зголемил за половина процент во однос на претходниот месец.